தமிழரிடம் மிகத் தொன்மையிலேயே தோன்றிய எண்ணியம் கொந்திக் கூறாடப்பட்டுச் சின்னஞ்சிறிய சிதறல்களாகக் கிடைத்துள்ளது. அவ்வாறு கூறாடப்படவும் திரிக்கப்படவும் புரட்டப்படவும் வடுகப் பிராமணியமோ காரணமானது. எண்ணிய மெய்யியலின் சில கூறுகள் சங்கதத்தில் மொழி பெயர்க்கப்பட்டுள்ளன. பிராமணியக் கருத்தியலில் அவை கழுத்தளவு புதைந்து கிடக்கின்றன. இந்நிலையில், எண்ணியத்தின் முழு வடிவையோ மூல வடிவையோ ஒப்பியல் ஆய்வின் வழியாக வெட்டியும் ஒட்டியும் திரட்டியும் அடையாளம் காண வேண்டிய இக்கட்டான சூழலில் தமிழரின் அறிவுலகம் இருக்கிறது. இதை உணர்ந்தே எண்ணியத்தை ஓரளவாவது மீட்க வேண்டும் என்னும் முடிவுடன் இந்த நூலை எழுத முனைந்தேன் எழுதியும் முடித்தேன்.