மூலத்திலிருந்து வடிவங்கள் விரிவதை வடிவு நூல் விளக்கியது. அதிலும் குறிப்பாக அணு உருவாதலில் தொடங்கி விளக்கியது வடிவுநூல். வடிவு நூலில் எண்ணிக்கைப் பெருக்கம் இயக்கச் சுருக்கம் எனும் ஓர் இலக்கணம் உரைக்கப்பட்டிருந்தது. இவ்வரியின் விரிவே எண் நூலின் தொடக்கம். அதாவது சிவமாகிய மூலத்தின் உச்ச இயக்கம் சக்தியால் தணிக்கப்பட்டு, எண்கள் பிறந்து அவற்றிலிருந்து உருக்களின் ஆதி நிலையாகிய அணுக்கள் உருவாவது பற்றி விளக்குகிறது எண் நூல்.வடிவு நூலில் எண் பிறப்பு பற்றி சிறு அறிமுகம் வழங்கப்பட்டது. அதன் விரிவான விளக்கமே எண் நூல்.